ILOILO CITY – Madamu sang sahi sang peste ang mahimo nga mag-atake sa mga pananom ilabi na subong nga may weak El Niño.
Sa interview sang Bombo Radyo kay Ryan Rasgo, Chief sang Regional Crop Protection Center sang Department of Agriculture (DA)-6, iya ginpahayag nga duna na nga daan nga kun may yara sang green crops ukon pananom, mahimo gid nga mag-atake ang mga peste nga makatuga sang 100% nga damage.
Ginpahayag ni Rasgo nga ang crop protection ang gindihon sang gobyerno agud nga mahagan-hagan ang piyerde sang mga mangunguma.
Halimbawa diri amo ang controlled irrigation, chemical kag biological based nga mga bulong agud nga matapna ang pagduging sang mga peste.
Sa tagsa ka mga rehiyon sa pungsod, may nanari-sari man nga mga pananom nga ginakabig important crops sa diin diri sa Western Visayas, ang palay, mais, high value crops kag prutas ang bugana.
Bangud nga may yara sang weak El Niño, ginapanugyan sang DA ang pagtanom sang upland crops.
Sa subong, ginahandaan naman sang ahensya ang pagsulod sang tig-ululan agud nga indi man mahul-an ang mga mangunguma.
