Ginalauman ang dako nga pagnubo sang retail prices sang petroleum products sa masunod nga semana suno sa Department of Energy (DOE).
Suno kay DOE Secretary Sharon Garin, yari ang possible nga rollback sa presyo sang gatong:
Gasoline posible nga magnubo sang P4.43 per liter
Diesel posibilidad nga magnubo sang P20.89 per liter
Kerosene posibilidad nga magnubo sang P8.50 per liter
Ini nga rollback sa presyo sang gatong ang resulta man sang duha ka semana nga ceasefire sa tunga sang Amerika kag Iran.
Ang ini nga price adjustments ginapaabot nga ipatuman halin Martes Abril 14 tubtob Abril 20 Lunes nga adlaw.
Ginpahayag man nga ang rollback ginbase sa average sang ulihi nga 5 ka adlaw nga international prices kumparar sa nagligad nga semana kag mahimo maglain-lain ang presyo depende sa kada gas station.
.){kind=link}