Gindakop sang otoridad ang isa ka 17-anyos nga dalagita matapos ginbaligya online ang bata sini nga isa ka bulan pa lamang sa Quezon City.
Suno sa otoridad, nagabusong pa lang, na-monitor na nila sa social media post sang dalagita nga plano na niya ibaligya ang lapsag.
Una nga ginbaligya ini sang P50,000 apang nagsaka pa sa P55,000.
Nagpatigayon sang entrapment operation ang mga otoridad kag naaresto ang suspek.
Suno sa dalagita, nahimo lamang niya ini bangud indi pagbatunon sang iya pamilya ang bata kag bangud menor-de-edad pa ini kag 18-anyos pa lang ang amay.
Posible kasuhan ang nasambit nga dalagita sang paglapas sa Anti-Trafficking in Persons Act kag sa Special Protection of Children Against Abuse, Exploitation and Discrimination Act.
Yara ini subong sa idalom sang protective custody bilang Child in Conflict with the Law (CICL).
Nasalbar naman ang lapsag kag ginturn-over sa otoridad.
