ILOILO CITY- Nagdangat sa masobra P650 million nga balor sang food items nga misdeclared, overvalued kag iligal nga ginpasulod ang nakumpiskar sang gobyerno,as of February 2022.
Suno kay Department of Agriculture (DA) Assistant Secretary Federico Laciste Jr.,nakakumpiska ang ahensya sang imported farm kag fishery products balor P548.56 million humalin sang Abril tubtob Nobyembre 2021 samtang ang mga smuggled food items balor P109 million ang nadakpan humalin Enero tubtob Pebrero 2022.
Suno namay kay DA Secretary William Dar, ini nga pagkumpiska sang tanan nga illegal imported farm, fishery kag food products ang nagatuyo nga maprotektahan indi lang ang mga farmers kag fisherfolk, kundi mangin ang agri-fishery sector gikan sa transboundary diseases kag ang mga pumuluyo batok sa indi safe nga pagkaon.
Sang Pebrero 8,9, kag 15, kapin P46 million nga balor sang smuggled agri-fishery, frozen meat produkto gikan sa China ang nakumpiska sang DA, Bureau of Customs, Department of Trade and Industry kag iban nga member-agencies sang Sub-Task Group on Economic Intelligence and Compliance and Regulatory Enforcement for Security and Trade Office.
