Plano sang Department of Budget and Management nga ipasa sa Kongreso ang ginaproponer nga P7.2-trilyon nga national budget para sa tuig 2027 bag-o ang Agosto 14.
Ang ini nga kantidad ang katumbas sang 21.7% nga kabilugan nga GDP sang pungsod.
Suno kay DBM Secretary Kim De Leon, ginpabaskog pa sang ahensya ang mga proseso sa pagbusisi kag pag-apruba sang budget agud malikawan ang korapsyon, ilabi na sa kontrobersyal nga flood control projects.
Ginpunto man ni De Leon ang paglunsyar sang COMPASS, isa ka digital platform agud maghatag sang kahigayunan sa publiko nga masubaybayan ang hulag sang pondo sang gobyerno halin sa pagplano sang budget kag aktuwal nga paggasto sini.
Gina-engganyo man sini ang publiko sa paggamit sang Project DIME agud masubaybayan ang mga proyekto sa imprastruktura gamit ang satellite imagery, drones, kag geotagging agud masiguro nga lehitimo nga napatuman ang mga proyekto.
