Naglapaw na sa 34,000 ang napatay sa Turkey kag Syria kasunod sang mabaskog nga linog.
Suno sa Turkish Emergency Coordination Center, 29,605 na ang nakumpirma nga patay sa sakop pa lamang sang Turkey, samtang 4,574 naman sa Syria.
Una na nga ginpahayag sang Syria Civil Defence ukon sang White Helmets nga nagtakop na ang ila nga search and rescue operations sang Byernes, apang ginapanan-aw nga magdugang pa ang numero sang casualties.
Mangin ang chief sang United Nations relief ang nagkahangawa man nga posible mag-doble pa ang numero sang mga napatay ukon maglapaw sa 50,000.
Yara naman sa 50 ka tawo ang ginpang-aresto bangud sa pagpangawat sa tunga sang amo nga sitwasyon sa duha ka pungsod.
May duha naman ka daku nga military ships nga gin-deploy sa south sang Turkey agud mag-serbe bilang floating hospitals agud mabulong ang mga injured.##
