Gin-akusahan sang defense team ni Vice President Sara Duterte ang House prosecution panel sa pagtuyo nga ikondisyon ang utok sang publiko angot sa padayon nga pagpresentar sang ebidensiya sa iya ginaalegar unexplained wealth.
Sa plano sang prosecution nga ipreparar ang summary sang shareholdings ni Duterte nga gin preparar sang Securities and Exchange Commission (SEC), nag-object si defense lawyer Atty. Justin Nicol Gular bangud suno sa iya, ang dokumento may label nga “Summary of VP Sara Duterte Shareholdings,” apang ang mga figures nga nakalista ang nagaunod sang authorized, subscribed kag paid-up capital of corporations, sa baylo nga ang personal shareholdings lang ni Duterte.
Gintawag niya ini nga “misrepresentation” bangud nga ang kakulang sang distinction sa tunga sang shareholdings ni Duterte kag sang iya sang corporations sa summary, mahimo nga i-attribute ini tanan sang publiko sa vice president.
Apang,suno naman kay private prosecutor Atty. Erwin Matib, sala ang obserbasyon ni Gular nga ang dokumento nagalakip sang “special column” nga naga-specify sang kaugalingon nga shareholdings ni VP Sara.
Pahayag niya, indi misleading ang summary.
Sang ulihi, naghimo sang ruling si Presiding Judge Francis Escudero nga nagpabor sa prosecution kag gintugutan ini nga ipresentar ang ebidensya.
