Nagpangabay si Iloilo City Councilor Nene Dela Llana kay Iloilo Governor Arthur Defensor Jr. nga indi dapat sini pag-itolerar ang pila ka mga aktibidad ni Iloilo PICAO head Nereo Lujan sa social media.
Partikular nga gintumod ni Dela Llana ang post ni Lujan nga naga-feature sang video nanday Councilors Dela Llana, Miguel Treñas, kag Rex Sarabia nga nagasaot ang mga ini.
Suno sa konsehal, office hours ini gin-post ni Lujan nga indi dapat bangud empleyado ini sang gobyerno.
Dugang niya, nagahatag lang si Lujan sang indi maayo nga imahe sa kapitolyo kag dapat kuntani nga magserbe ini nga maayo nga halimbawa sa publiko.
