Suguran na sang Kamara subong nga adlaw, Agusto 10, ang deliberasyon sa ginaduso nga P5.768 trillion nga national budget para sa 2024.
Suno kay House Speaker Martin Romualdez, una nga maga-presentar ang economic team sang pungsod nga amo ang Development Budget Coordination Committee.
Ini ang ginabug-usan nanday Budget Secretary Amenah Pangandaman, Finance Secretary Benjamin Diokno, National Economic and Development Authority Director General Arsenio Balisacan, kag Bangko Sentral ng Pilipinas Governor Eli Remolona.
Sa masunod nga semana naman pisa-pisahon ang Philippine Amusement and Gaming Corporation, Department of Tourism, Department of Foreign Affairs, Department of Environment and Natural Resources, Department of Energy, Energy Regulatory Commission, Civil Service Commission, Department of Agrarian Reform kag ang Department of Social Welfare and Development.
Target sang Kamara nga maaprubahan ang proposed 2024 national budget sa Oktubre antes ang recess sang ikaduha nga regular session sang 19th Congress. #
