ILOILO CITY-Nanindugan ang Department of Education Region 6 nga sala ang impormasyon nga ginpagwa sang isa ka media outlet sa Iloilo City nga naangot sa heat stroke ang kamatayon sang duha ka manunudlo sang Santa Barbara Central Elementary School.
Sa interview sang Bombo Radyo kay Mr. Hernani Escullar Jr., spokesperson sang Department of Education Region 6, iya ginpahayag nga ang rason sang kamatayon sang isa ka manunudlo amo ang aneurysm ukon ang paglupok sang ugat sa circulatory system kag sa utok samtang Hypertensive Cardiovascular Disease ang kabangdanan sang kamatayon sang isa.
Una naman nga nagpagwa sang statement ang Department of Education Central Office kun sa diin ginsaway sini ang kasubong nga pag- sensationalize sang kamatayon sang duha ka manunudlo.
Nagpalab-ot naman ang ahensya sang pagpakig- unong sa pamilya sang duha kag mga manunudlo.
