Ginpahayag sang Department of Foreign Affairs (DFA) ang ila kahangawa bangud sang nagadamo nga kaso sang mga Pilipino nga nabiktima sang human trafficking kag na-trap sa mga scam centers sa bug-os nga Southeast Asia.
Suno sa DFA, makaalarma ang padayon nga pagtaas sang mga report nga ila nabaton.
Bilang sabat sa problema, ginpahayag sang DFA nga nagapatigayon na sila sang kooperasyon upod sa mga pungsod sa Mainland Southeast Asia, lakip ang Thailand, Myanmar, Lao PDR, kag Cambodia, agud mabuligan ang mga nadalahig sa illegal nga aktibidad.
Ginpabutyag man sang DFA nga padayon sila nga naga-komiter sa pagpauli sang mga Pinoy nga biktima sang human trafficking, kag ginpanawagan ang suporta sang mga overseas Filipino communities kag sang publiko sa mga inisyatibo sang gobyerno nga maghalong batok sa illegal recruitment kag exploitation.
