Magapadulong si Department of Foreign Affairs Secretary Teodoro Locsin Jr. sa China subong nga adlaw, Marso 31, kag magalawig ang iya nga pagtinir tubtob sa Abril 2.
Suno kay Foreign Ministry Spokesperson Hua Chunying, kaupod ni Locsin nga magabisita sa amo nga pungsod amo ang tatlo ka iban pa ka Southeast Asian foreign ministers nga halin sa Singapore, Malaysia, kag Indonesia.
Ang trip ni Locsin sa China ang patigayunon samtang yara gihapon ang presensya sang Chinese vessels sa Julian Felipe Reef sa exclusive economic zone sang Pilipinas sa West Philippine Sea.
Ang pagbisita ni Locsin ang kasunod sang imbitasyon ni Chinese State Councilor kag Foreign Minister nga si Wang Yi.
Ginpahayag pa sang Foreign Ministry Spokesperson nga mas mapabaskog sang amo nga pagbisita ang kaangtanan sang China sa iban nga member-states sang Association of Southeast Asian Nations (ASEAN).
