ILOILO CITY – Ginpasiguro ni Iloilo City Mayor Jerry Treñas nga imbitado ang tanan sa Dinagyang Festival 2020.
Sa interview sang Bombo Radyo kay Treñas, iya ginpahayag nga iya nga ginpadal-an sang formal invitation ang mga matag-as nga opisyal sa pungsod lakip na ang mga Very Important Person gikan sa luwas sang pungsod.
Suno kay Treñas, iya man nga ginpadal-an sang imbitasyon ang tanan nga opisyal sang syudad agud nga makasaksi sang 360 degrees performance sa Dinagyang Festival.
Ginpahayag ni Treñas nga indi niya luyag nga maagyan sang iban nga elected official ang iya naagyan sadto nga wala gin-imbitar sa nasambit nga kahiwatan.
