Bisan wala pa sang mapakita nga ebidensya ang Department of Justice (DOJ) nga nadakpan matuod si former Ako Bicol Rep. Zaldy Co sa Czech Republic, nagapanindugan ini nga ang tanan nga indikasyon nagatudlo nga klaro nga naaresto na ang anay kongresista.
“Unang-una, nais kong pabulaanan yung mga ibang nagsasabi na wala sa kustodiya ng Czech Republic si accused na si former congressman Zaldy Co. With this press briefing, I do confirm that it’s not a myth—it’s factual… Nandoon siya sa kustodiya ng Czech authorities,” suno kay Justice Secretary Fredderick Vida.
Suno sa iya, ginpahibalo ang Philippine Center on Transnational Crime nga yara si Co sa isa ka partikular nga lokasyon kag ginpamangkot man ini kun may yara bala sang warrant of arrest batok sa iya.
Pahayag pa ni Vida, kun wala man si Co sa Czech authorities, makatilingala man kun ngaa gulpi lang sila nagpamangkot.
“Kung wala naman sa kanila si former Congressman Zaldy Co bakit sila magtatanong? Bakit out of the blue, biglang — that’s one clear indication,” suno sa tiglikom.
Ginpaathag man ni Vida nga wala sang pisikal nga ebidensya kaangay sang dokumento kag pictures nga makakumpirma nga nadakpan si Co bangud may yara sang data privacy sa European Union.
Gin-ako ni Vida nga wala man nagkumpirma ang Czech Republic kaangot sa pag-aresto bangud amo ini ang nakabutang sa ila nga pakataran.
“Pero wala talaga pong dokumento na makakapag — okay, pero lahat po ng indikasyon nagsasabi na nandoon po ang kustodiya sa kanila,” suno sa iya.
Matandaan nga si President Ferdinand Marcos Jr. ang nagkumpirma nga naaresto si Co sa Prague kag nagpasalig nga dal-on pauli ang former congressman nga santo sa proseso sa layi.
Si former Presidential spokesperson Harry Roque naman amo ang isa sa mga nagtawag kay Marcos nga nagapalapta sang fake news.
Ginapanindugan ni Roque nga natawgan niya ang immigration police sa Prague kag nagkumpirma suno sa iya nga wala sa ila kustodiya si Co.
TEAM SA CZECH REPUBLIC
Kasunod sini, magapadala ang Pilipinas sang team sa Europa subong nga semana agud nga makig-istorya sa Czech authorities.
Kumpyansa ang Philippine government suno kay Vida nga mapapauli si Co, ilabi na nga pareho ang Pilipinas kag ang Czech Republic nga signatories sang UN Convention Against Corruption.
“Pag tinanong niyo, bakit confident si Secretary Vida? Ito po yung isang pinaghahawakan. Kasi alam ko po, alam natin, na sa Czech Republic, hindi din nila kinokonsinti ang korapsyon,” dugang sini.
“Hindi din sila papayag na magiging, masasawata ‘yung objective na mapanagot ‘yung dapat mapanagot dahil nanaguan lang sa ibang bansa,” pahayag pa niya.#
