Nagpadulong si Department of Justice Secretary Frederrick Vida sa Iloilo City kahapon nga adlaw, Abril 8.
Kabahin sa ginbisita sini amo ang Iloilo City Government kun sa diin personal ini nga nakigkita kay Iloilo City Mayor Raisa Treñas.
Suno kay Vida nga ila gin-istoryahan ang igatukod nga Prosecutors Office diri sa syudad sang Iloilo.
Ginpahayag man sini nga wala man siya napaslawan sa iya intesyon kay Mayor Treñas, ini matapos nagpasalig ang alkalde nga magapangita ang City Government sang lote nga pagatukuran sang Regional, City, kag Provincial Prosecution Offices.
Ginpasiguro man ni Secretary Vida nga sa tion nga may ara na sang lote nga makit-an ang Iloilo City Government, gilayon man sila nga magaproseso sang mga dokumento agud nga makakuha sang budget sa Department of Budget and Management (DBM) agud masuguran ang nasambit nga proyekto.
