Nagapasalig ang Department of Labor and Employment nga may yara sila sang natalana nga P1.2 bilyon nga bulig para sa mga empleyado nga apektado sang Coronavirus Disease 2019.
250,000 ka mga empleyado ang mangin benepisyaryo sang nasambit nga pondo sa diin ang tagsa sa ila mahimo makabaton sang P5,000 anuman ang ila nga employment status.
Suno sa Department of Labor and Employment, indi mahimo nga piliton sang employer ang ila mga employees nga magsulod sa trabaho sa tion sang enhance community quarantine.
Nagpasalig man ang DOLE nga mahatagan sang bulig ang mga informal workers sa ipatuman nga emergency employement program sang nasambit nga ahensya.
Sa diin ipaidalom sa programa nga “Barangay ko. Bahay ko” ang mga apektado nga informal workers sa pihak sang ginpatuman nga enhance community quarantine.
