Nagpahanumdom ang Department of Tourism sa mga hotel nga nagaserbe bilang quarantine facility nga indi dapat magbaton sang mga “staycation” guests.
Suno kay Tourism Secretary Bernadette Romulo-Puyat, mahimo ipasirado ang mga hotel nga pareho nga nagaserbe bilang quarantine facility kag pang-staycation.
Ginpahayag sang tiglikom nga mahimo man mag-apply ang iban nga 4-5 star hotel sang lisyensya agud mag-operate bilang staycation hotel.
Matandaan nga sang nagligd nga bulan, ginpasugtan na ang staycation sa mga lugar nga yara sa idalom sang general community quarantine agud makabawi ang domestic tourism.
