𝗜𝗟𝗢𝗜𝗟𝗢 𝗖𝗜𝗧𝗬 – Napasakaan sang sampaw-sampaw nga kaso ang driver sang modernized jeepney driver nga nagkumos kag naghaboy sang citation ticket nga gin-issue sang traffic enforcer sa no-loading area sang E. Lopez Street, Brgy. Our Lady of Lourdes, Jaro, Iloilo City.
Ini amo si Jesus Rey Poral Palado, 33, kasado, kag residente sang Railway Street, Barangay Población, New Lucena, Iloilo.
Ang traffic enforcer naman amo si Louie Tabucan Batisla-ong, 44, soltero, residente sang Barangay Salvacion, Habog-Habog, Molo, Iloilo City.
Sa interview sang Bombo Radyo kay Retired Police Colonel Uldarico Garbanzos, pinuno sang Traffic and Transportation Management Office, iya ginpahayag nga lakip sa mga ginpasaka nila nga kaso amo ang Unjust Vexation kag Disobedience to Lawful Order.
Ginpreso naman si Batisla-ong sa Jaro Police Station kag may pyansa nga P10,000.
Suno kay Garbanzos, kuntani magserbe ini nga leksyon kag indi dapat pagpamaresan sang iban pa nga driver.
