ILOILO CITY- Gin-ako sang Department of Social Welfare and Development Region 6 nga madamo sa gihapon nga mga pulitiko ang nagapa-epal sa ginapatigayon nga distribution sang mga assistance programs sang ahensya.
Sa interview sang Bombo Radyo kay Atty. Carmelo Nochete, director sang Department of Social Welfare and Development Region 6 , iya ginpahayag nga kun may yara sila sang offsite payout, masami nga naga-coordinate sila sa mga local government units.
Apang suno sa iya, ang nagakatabo amo nga may ginaimbitar nga pulitiko agud magtambong sa event.
Pahayag niya, apisar makontrol nila ang mga tawo sa tion sang tagtaganay sang assistance, indi naman nila makontrol ang presensya sang mga pulitiko.
