WESTERN VISAYAS – Naka-release na ang Department of Social Welfare and Development Field Office VI kag Local Government Units sang P1.6 million nga balor sang ayuda sa mga naapektuhan sang Bagyo Kristine sa Western Visayas
Kadam-an nga ginhatagan sang ayuda amo ang mga apektado nga pamilya halin sa Iloilo, Capiz kag Negros Occidental.
Sa data sang DSWD, ang assistance nga gin-release sang ahensya ang naglab-ot sa P839,735.28 samtang ang mga Local Government Units ang naka-release man sang P850,963 nga balor sang ayuda.
Suno kay Officer-in-Charge Regional Director Arwin Razo, madasig ang pagresponde sang mga personnel sang DSWD amo man ang mga LGUs.
Sa bahin sang DSWD, ang ayuda nga ginhatag sa apektado nga pamilya sa Roxas City ang naglab-ot sa P330,674; Batad, Iloilo nga may P52,170; Cadiz, Negros Occidental nga P370, 880; Sipalay City, Negros Occidental nga may P11,590; kag Bacolod City nga may P74,420 balor sang ayuda.
Para naman sa LGUs, ang Maayon, Capiz may P1,000 nga balor sang ayuda nga gin-release; Pilar, Capiz nga may P8,900; New Lucena, Iloilo nga may P1,000 nga balor sang ayuda nga gin-release; Lambunao, Iloilo may P39,423; Cadiz, Negros Occidental, P304,000; kag Bacolod City nga may P74,420.00 nga balor sang ayuda nga ginhatag sa mga apektado nga mga pumuluyo.
Sa subong, may yara sang kabug-usan nga 45 ka mga balay ang ginapahayag nagguba. Sa sini nga numero, anum ang totally damaged kag 39 ang partially damaged.
Ang numero sang pamilya nga naapektuhan ang bagyo ang yara sa 4,602 ukon 20,403 ka mga indibidwal.
Ginpahayag ni Director Razo nga gin-activate na ang Quick Response Team sang DSWD6.
