ILOILO – Preparado na ang Department of Social Welfare and Development (DSWD) sang probinsya sang Iloilo nga maghatag sang bulig sa mga tagsa ka kabanwahanan nga nagdeklara sang state of calamity bangud sa ‘weak’ El Niño.
Sa interview sang Bombo Radyo kay Reynante Lasay, program development officer sang DSWD, iya ginpahayag nga may mga nakahanda na nga mga food packs sa ahensya sa tion nga mangayo sang bulig ukon koordinasyon ang mga banwa sa ila.
Suno kay Lasay, sa subong may yara sang masobra 11,000 ka mga food packs ang yara sa ahensya kag may manug-abot pa nga masobra 15,000 nagikan sa Manila.
Ang isa ka food pack ang para man sa isa ka pamilya sa diin ini ang ginabug-osan sang anom ka kilo nga bugas, kape, cereals, sarndinas kag corned beef.
Dugang pa sang natungdan, angn mahimo nga mahatagan sang food packs amo ang mga mangunguma kag laborer workers nga apektado ang palangabuhian bangud sa tuman ka init nga tyempo.
Nagakadapat lamang nga ang mga pangalan sang apekto ang nakalista sa Municipal Social Welfare and Development Ofifce (MSWDO) sang banwa agud nga mahatagan sang food packs
