ILOILO CITY- Maga-deploy ang Iloilo City Government sang dugang nga traffic aides sa Ungka flyover sa tion sang Dinagyang Festival 2023.
Sa interview sang Bombo Radyo kay Iloilo City Mayor Jerry Trenas, iya ginpahayag nga bangud indi pa bukas sa motorista ang flyover, importante nga ma-manage ang traffic situation sa lugar bangud nga kalabanan sa mga bisita ang magalabay gid sa amo nga area.
Suno kay Trenas, sa tion sang Dinagyang Festival, madamo sang mga bisita nga nagalagas lang sang ila oras gani importante nga malikawan ang delay.
Nahibaluan nga subong nga tuig, dugang nga 100 traffic aides ang i-deploy sa syudad kag iban diri ang i-assign sa Ungka flyover.
