ILOILO CITY- Ginbawian gid sang kabuhi samtang ginabulong sa ospital ang duha ka tuig nga bata nga lalaki matapos aksidente nga nagtupa sa kaldero nga may nagabukal nga sabaw sang batchoy sa Barangay Pantalan, Carles, Iloilo.
Suno sa imbestigasyon, nagahampang ang bata sang nasalapay ang kaldero kag nagtupa gid diri ang lawas sini.
Napaso gid ang halos bilog nga lawas sang bata kag naglab-ot pa sa 4th degree burn.
Nahibaluan nga may yara sang negosyo nga batchoyan ang pamilya sang biktima agud makasapin-sapin sa adlaw-adlaw nila nga kinahanglanon.
Magluwas diri, nagabulig man ini sa gasto para sa ginahaya niya nga pakaisa.
