Matapos ang isa ka tuig, liwat nga nakit-an sang publiko si former President Rodrigo Roa Duterte kasunod sang pag-atubang sini sa International Criminal Court subong nga adlaw para sa pre-trial hearing angot sa mga argumento natuhoy sa iya ikaayong lawas kag ikasarang nga mag-atubang sa trial.
Ini ang una nga tion nga nakit-an siya sang publiko humalin sang gindala ini sa ICC.
Sa iya pag-atubang sa ICC courtroom, nagasuksok ini sang black suit kag white shirt.
Ang 81-anyos nga si Duterte ang nagapangatubang sang murder kag attempted murder charges kaangot sa iya maduguon nga drug war samtang nagapungko pa ini bilang alkalde sang Davao City kag sang nangin presidente na ini sang Pilipinas.
Natalana nga magsugod ang trial sa Nobyembre.
Matandaan nga naaresto si Duterte sang Marso 2025 kag gintalana nga mag-atubang sa korte sa The Hague sang Septyembre sang nagligad nga tuig.
Apang na-delay ang hearing matapos gin-grant sang pretrial panel of judges ang “limited postponement” agud hatagan ang korte sang tion nga madeterminar kun si Duterte ang yara sa husto nga kondisyon agud magpakigbahin sa proceedings.
