Nagsaka lamang sang 2.3% ang ekonomiya sang Pilipinas sa ikaduha nga quarter sang tuig 2026.
Mas manubo ini kun ikumpara sa 2.8% nga pagsaka sa una nga quarter.
Ini bangud sa mahina nga pagsalig sang mga investors sa pag-invest sa pungsod kag amo man ang pagtaas sang presyo sang gatong nga naka-apekto sa mga negosyante.
Gina-angot man diri ang epekto sang korupsyon sa mga proyekto sang gobyerno kaangay sang flood control.
Samtang, naglab-ot naman sa 2.6% ang pag-umwad sang GDP sang Pilipinas sa una nga quarter sang 2026, mas manubo ini sa target sang gobyerno nga 3.5% tubtob 4.5% para sa kabilugan nga tuig.
Ini man ang rason kun ngaa kinahanglan nga mapadasig pa ang pag-uswag sini sa masunod nga mga binulan.
Suno sa opisyal sang gobyerno, temporaryo lamang ini nga paghina sang ekonomiya sang pungsod bangud may ara man sila sang mga nagkalain-lain nga tikang nga ginahimo agud mabalik ang pag-uswag sini.
