Ginkilala si Enzo Pineda bilang Best Actor sa 11th Emirates Film Festival sa Dubai, United Arab Emirates.
Nadag-an sini ang award paagi sa iya performance sa “As the Call, So the Echo”.
Ang writer kag diretor sini amo si Rusty Palacio Guarin nga amo man ang ginpasidunggan bilang Best Director sa festival.
Sa pelikula, gintungdan ni Enzo ang papel sang pamilyado nga lalaki nga nagatutok sa underground work sang sindikato nga nagapang-kidnap sang kabataan kag nagabaligya sang ila organs.
Ginpatigayon ang filming sa Quezon City kag nagatuyo sa pagpasakop sa mga international festival.
Suno sa award-winning actor, ang iya bag-o nga award ang naga-inspire sa iya nga maghimo pa sang dugang nga dekalidad nga mga pelikula para sa international release.
Ini ang una nga international acting award ni Enzo matapos sini nadag-an ang Best Supporting Actor sa 2021 FAMAS sa iya performance sa “He Who is Without Sin.”
Wala pa sang plano sa local screening sa “As the Call, So the Echo” apang ginpahayag sang actor nga magabisita ang iya Dubai-based producer sa Manila sa Marso para sa private screening sang film.
