ILOILO CITY- Nagresign na bilang head sang COVID-19 compliance team sang Iloilo City Government si Executive Assistant for Barangay Affairs Fernando Jose “Boyet” Rico.
Sa interview sang Bombo Radyo kay Iloilo City Mayor Jerry Treñas, ginkumpirma niya ang nagpadala sang text message sa iya si Rico nga maga-resign na ini.
Suno kay Treñas, wala pa man sang formal nga resignation letter nga napadala si Rico.
Ginpahayag niya nga wala man namitlang ni Rico nga ang iya pagresign may kaangtanan sa kontrobersiyal niya nga post nga may caption nga “Lunch after swabbing.”
Si Rico ang pagabuslan naman ni Mr. Nestor Canong nga amo ang chairman sang Task Force on Moral and Values Formation.
