ILOILO – Matapos na sa madason nga bulan ang feasibility study sang ginaduso nga Iloilo-Guimaras-Negros bridge.
Sa interview sang Bombo Radyo kay Senate Minority Leader Franklin Drilon, iya ginpahayag nga sa tion nga matapos na ang feasibility study, duha pa ka tuig antes umpisahan ang pagpatukod sang taytay.
Suno sa senador, duha ka tuig ang nakatalana nga construction period kag ginalauman nga umpisahan ini sa tuig 2021 kag matapos sa 2023.
Ginpahayag ni Drilon, madamo pa nga proseso ang nagakadapat agyan bag-o opisyal nga maumpisahan ang aktwal nga pagpatukod sang nasambit nga taytay nga foreign funded.
Kampante ang Senador nga mangin paborable ang resulta sang feasibility study apang suno sa iya indi pa sigurado kun may yara na sang makuhaan sang pondo para sa papatukod sang taytay.
