Nahanay sa grupo sang mabaskug nga mga pungsod ang Philippine Women’s National Football Team sa AFC Women’s Asian Cup 2026. Kaupod sang Filipinas sa Group A ang Australia, Korea Republic, kag Iran.
Ginkilala ang grupo nga isa sa pinakamabakas, matapos nga pareho na nga nakauna sa Pilipinas ang Korea Republic sa 2022 semifinals kag ginpahalin man sini ang Australia sa quarterfinals.
Una pa lang ini nga sabak sang Iran sa torneo matapos magdaog sa qualifiers.
Magahampang ang Filipinas batok sa host country nga Australia sa Marso 1, 2026 sa Perth Stadium. Ang torneo magaluntad tubtob Marso 21.
Ang top teams sa kada grupo, upod ang best third-placers, magalab-ot sa knockout stage, kag ang top 6 sa kabug-usan kwalipikado na sa 2027 FIFA Women’s World Cup sa Brazil.
