Nakuha sang Filipino gymnast nga si Eldrew Yulo ang ikaduha nga pwesto sa floor exercise qualification sa Croatia World Cup.
Ini matapos makakuha sang score nga 14.200.
Temporaryo ini nga nagpanguna sa kompetisyon antes sini malapawan ang American gymnast nga si Kameron Nelson sang Estados Unidos nga may score nga 14.300.
Apisar indi sa una nga pwesto, dako sa gihapon ang tyansa ni Yulo nga makasulod sa finals kun sa diin top eight lamang ang makasulod.
Ang iya maayo nga performance sa iya bronze medal finish sa Cairo, Egypt nagapakita lamang sang padayon sini nga paghimakas kag kampanya para sa international level.
