Natukiban sa China ang human infection sang H10N3 bird flu strain — ang labing una nga gin-report nga kaso sa bilog nga kalibutan.
Suno sa National Health Commission (NHC) sang amo nga pungsod, sang Abril 28, naadmit sa ospital ang 41 anyos nga lalaki bangud nagbatyag sang hilanat, kag pagkaligad sang isa ka bulan, nadiagnose ini nga may H10N3 bird flu.
Suno sa NHC, estable na subong ang kondisyon sang amo nga lalaki samtang wala naman sang ‘abnormalities’ nga nakit-an sa iya nga mga naka-close contact.
Tuman ka nubo suno sa talatapan nga maglapta ang kaangay sini nga kaso.
Ang H10N3 ang ginapahayag low pathogenic ukon may manubo nga tsansa nga mangin malala ukon mangin tunaan sang kamatayon sa mga pispis.
Suno sa NHC, wala pa sang may una nga nareport nga human case sang H10N3 nga una nareport diin man nga bahin sang kalibutan.
