Korakot na, Palpak pa.
Ini ang mga tinaga nga ginggamit ni former Kabataan Rep. Raoul Manuel batok sa administrasyon ni President Ferdinand Marcos Jr., kasunod sang ika-54 nga anibersaryo sang deklarasyon sang Martial Law sa idalom ni late President Ferdinand Marcos Sr., kahapon nga adlaw.
Sa interview sang Bombo Radyo kay Manuel, iya ginpahayag nga apisar madugay na nga tuig sang nagtakop ang Martial Law kun sa diin madamo ang nagsuprer, daw kaangay nga nadugangan pa subong ang sulokton sang mga Pilipino sa Pamilya Marcos.
Suno sa anay kongresista, madamo nga mga isyu nga nagtuhaw sa idalom sang administrasyon ni Marcos Jr.
Kabahin diri ang flood control scandal kun sa diin ginpahayag sini nga ginbulsa sang mga politiko ang kwarta nga para dapat sa mga pumuluyo—kag subong ang masobra P100 billion budget sa flood control sa 2027 apisar sang lapnagun nga korapsyon.
Lakip man sa ginpahayag sang kongresista amo ang nagapadayun nga rotational brownouts sa pungsod ilabi na sa Visayas, kag ang pag-acquit sang Korte Suprema kay former First Lady Imelda Marcos sa ginpangatubang sini nga graft charges.
