Nagapati si House Deputy Speaker Janette Garin nga magaboto sa impeachment trial ni VP Sara ang mga senator-judges base sa ila konsensya kag kon ano ang insakto.
Sa interview sang Bombo Radyo kay Garin nga nagaserbe man nga prosecution panel spokesperson, iya ginpahayag nga posible nga i-acquit sang mga senador si Duterte kun masabat sini sang insakto ang mga akusasyon.
Apang suno kay Garin, kun may klaro nga dokumento kag ebidensya nga ipresentar, pat-od nga magaboto man ang mga senador agud i-convict si Duterte.
Nagalaum naman si Garin nga magpakita kag magtambong si Duterte sa trial bangud mas mabudlay para sa mga senator-judges nga maghimo sang desisyon kun wala ang bise-president.
Ginpahayag sang kongresista nga diri man nagasulod ang importansya sang pagbantay sang publiko sa dalagan sang trial.
