Missing ang ginabanta 300 ka mga migrants halin sa Senegal nga nagbyahe padulong kuntani sa Canary Islands sa Espanya.
Suno sa migrant aid group nga Walking Borders, may duha ka sakayan nga may karga nga masobra 120 ka mga tawo nga nadula sa sulod na sang 15 ka adlaw.
Magluwas sa nauna nga duha ka sakayan, may ikatatlo man ka migrant vessel nga naghalin sa Senegal sang Hunyo 27 sakay naman ang masobra 200 ka mga tawo.
Wala naman sang ihibalo ang mga pamilya kun ano na ang nagkalatabo sa ila halin sang nagbiya sa Senegal sang amo nga adlaw.
Ang tatlo ka sakayan ang palareho nga naghalin sa Kafountine sa south sang Senegal nga ginabanta 1,700 kilometers (1,057 miles) ang kalayuon halin sa Tenerife nga isa sa Canary Islands.
Ang Canary Islands amo ang mayor nga destinasyon sang migrants nga gusto makalab-ot sa Spain. Nahibaluan nga may yara sang migrants nga nagapangisog gid sa pagtabok sa Mediterranean Sea padulong sa Spanish mainland. Ang summer amo naman ang pinakamasako nga tion sa pagtuyo sang mga tawo nga makatabok sa sini nga area. #
(In photo: Ang wooden boats nga ginsakyan sang migrants padulong sa Canary Islands. Nakit-an ini sa Port of Arinaga sa Gran Canaria, Spain, June 7, 2022. Picture taken June 7, 2022. REUTERS/Borja Suarez)
