Nataktak na ang Haiti sa 2026 World Cup matapos nagresulta sa 3-0 loss ang ila group match batok sa Brazil subong nga adlaw.
Duha sa goals sang five-time World Cup champion ang naghalin kay Matheus Cunha samtang isa naman ang halin sa superstar nga si Vinicius Junior. Lunsay na-rekord ang score antes ang half-time.
Bangud sini, nagdiretso na sa pinakamataas nga pwesto sa Group C ang Brazil, samtang nagsarurot naman sa idalom nga pwesto ang Haiti matapos nga ginlutos man sila sang Scotland sang Domingo, 1-0.
Ini ang una nga tion nga naka-qualify liwat ang Haiti sa World Cup halin sang 1974.
Sang amo nga tuig, napaslawan man ang Haitians nga makalampuwas sa group stage.
Apisar sini, ginakabig ini sang kadam-an nga daku gihapon nga bagay para sa amo nga pungsod nga makatapak liwat sa pinakadaku nga football tournament ilabi na nga wala sila nakahampang sang bisan isa ka World Cup qualifier sa ila home stadium bangud sang domestic unrest.
