Balantayan 6:30 subong nga aga, oras sa Pilipinas ang hampang sang Filipino tennis star nga si Alex Eala batok sa world number 10 nga si Elina Svitolina sang Ukraine sa quarterfinals sang DC Open sa Washington, D.C., United States.
Nag-abante si Svitolina matapos sini pierdihon si Polina Kudermetova, 7-6, 6-4, sa Round of 16.
Samtang, ginpierde naman ni Eala si Leylah Fernandez, 6-2, 7-6 agud masiguro sini ang iya nga pwesto sa quarterfinals.
Ini na ang ikaduha nga kahigayunan nga maga-atubangay sanday Eala kag Svitolina sa singles competition sa professional tour.
Sa matandaan nga sang bulan sang Hulyo, ginpierde ni Eala ang 31-anyos nga Ukrainian player sa quarterfinals sang Berlin Tennis Open.
Ang magadaog sa hampang ni Eala kag Svitolina ang maga-atubang sa quarterfinal match tunga nanday Naomi Osaka kag Elisa Cocciaretto.
