Agaw-atensyon ang isa ka pinasahi nga underwear nga ginhimo sang mga reasearchers bangud masarangan sini isipon kun pila ka beses nag-utot ang nagasuksok sini.
Ang paghimo sang sini nga teknolohiya ang ginpangunahan ni Brantley Hall, associate professor sa University of Maryland.
Katuyuan sang proyekto nga makabulig sa pagtuon sa gut bacteria kag digestive health.
May ginabutang nga gamay nga device sa likod sang underwear kag may yara man ini sang electrochemical sensors nga sarang mag-detect sang hydrogen.
Ang hydrogren amo ang isa sa mga gas nga nagaporma kun ginaproseso sang gut bacteria ang pagkaon kag ginapagwa paagi sa utot.
Una nga gin-gamit ang nasambit nga underwear sa research project nga Human Flatus Atlas kun sa diin ginarekord sang mga volunteer ang ginakaon nila kag ginatakos ang intestinal gas.
Didto narekord nga yara sa 32 ka beses ang average nga pag-utot sa sulod sang 12 ka oras.
Suno sa mga researchers, indi pa makabig nga medical device ang amo nga underwear, apang mahimo ini makabulig sa pag-check sa mga pasyente nga may ginabatyag sa tiyan.
Sa subong, padayon pa nga gina-develop ini sang mga researchers agud mas mapuslan sa patag sang medisina.
