Nakadiskubre sang bag-o nga ebidensya ang House prosecution panel batok kay Vice President Sara Duterte sa iya impeachment case.
Suno kay Bicol Saro Representative Terry Ridon nga isa sa mga prosecutor, may mga personal nga ginapanag-iyahan ang Bise Presidente kag iya bana nga wala nadeklarar sa iya SALN ukon Statement of Assets, Liabilities, and Net Worth.
Suno sa prosecution, nagabalor ini sang minilyon ka pesos kag makita man ini sa mga rekord sang gobyerno.
Plano sang prosecution panel nga magapatawag sila sang mga opisyal sang gobyerno agud mapamatud-an ang bag-o nga ebidensya.
Nagapati man ang prosecution panel nga ma-engganyo nila ang indi magnubo sa 16 ka senator-judge agud mapamatud-an nga may ara sang sala ang Bise Presidente.
Padayon naman nga ginapanginwala sang kampo ni Duterte ang mga alegasyon kag suno pa sa iya nga wala pa ini napamatud-an sa korte.
