Ginakabig sang Iloilo City Police Office nga seryoso nga kaso ang asud-asud nga motornapping incidents nga nagluntad sa distrito sang Jaro.
Sa interview sang Bombo Radyo kay PMaj. Shella Mae Sangrines, spokesperson sang Iloilo Police Station Office, iya ginpahayag nga ginakabig man sang Highway Patrol Group kag sang Jaro PNP nga seryoso ang mga amo nga kaso bangud nga nagakaapekto man ini sa peace and order indi lang sa distrito sang Jaro kundi amo man sa bilog nga siudad.
Isa diri sa mga ginatutukan nga kaso sang motornapping incident amo ang natabo sa Brgy. Quintin Salas malapit sa Land Transportation Office kun sa iin nagasuksok ang suspek sang Criminology uniform.
Dugang pa ni Sangrines nga padayun pa ang imbestigasyon sang mga awtoridad sa nasambit nga mga insidente.
Nagpanugyan naman ang Team Leader sang Iloilo Provincial Highway Patrol Group sa publiko nga mangin mahinalungon sa ila nga mga motorsiklo.
Sa interview sang Bombo Radyo kay PMay. Ryan Palaran, iya ginpahayag nga ang mga tikang agud nga malikawan nga makawatan sang motorsiklo amo ang masunod:
- I-lock ang motor
- I-park sa designated parking area ang motorsiklo ilabi na sa mga mga establisyamento kun sa diin may ara sang mga security guard.
- Indi magpark sa mga secluded ukon malipod nga mga lugar.
