ILOILO CITY- Natalana nga magdeklarar sang state of calamity ang probinsya sang Iloilo bangud sa epekto ng El Niño.
Sa interview sang Bombo Radyo Iloilo kay Retired Col. Cornelio Salinas, pinuno sang Iloilo Provincial Disaster Risk Reduction and Management Office (PDRRMO), iya ginpahayag nga ginahulat na lang ang mga rehabilitation plan sang mga natungdan nga departamento sa Iloilo Provincial Government agud maatender ang mga halit sang tig- ilinit sa ila nga lugar kag magdeklarar sang state of calamity.
Suno kay Salinas, posible nga sa masunod nga semana ideklarar na ang state of calamity sa probinsya.
Ginpasiguro naman sini nga ang mangin deklarasyon sang state of calamity ang validated kag accounted.
Nahibaluan nga nagalab- ot na sa walo ka mga banwa sa Iloilo ang nagdeklarar na sang state of calamity.
Ini amo ang Sara, Estancia, Bingawan, Balasan, Dingle, Lemery, San Dionisio kag ang component city nga Passi.
Suno kay Salinas, nagalab-ot na man sa masobra isa ka bilyonka pesos ang halit sa sektor sang agrikultura sa Iloilo.
Nagpain naman ang probinsya sang P61 million gikan sa quick response fund may kaangtanan sa state of calamity.
