ILOILO – Ginpondohan sang Iloilo Provincial Government sang P5 million ang Northern Iloilo para sa plano nga tree planting.Ini ang may kaangtanan sa mga nagaluntad nga pagbaha sa mga probinsya sang Iloilo nga tuman ka delikado.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginapa-identify sa Department of Science Technology (DOST) ang mga banwa nga yara sa mataas nga lugar sa diin prone sa pagbaha kag landslide.
Suno kay Defensor makabig nga environmental problem ang nagakatabo sa kabukiran kag may yara sang mga long-term solution ang gobyerno kaangay sang Tanum Iloilo, contour planting kag terracing and hedging.
Pahayag sang natungdan nga nagabulig ang civil defense center nga maka download sang information halin sa Philippine Atmospheric, Geophysical and Astronomical Services Administration (PAGASA) agud gilayon nga mapalab-ot sa norte nga bahin sang Iloilo kun may pag-ulan kag pagbaha.
