πππ’πππ’ πππ§π¬ – Isa ka Ilonggo ang nagtiglawas sang Pilipinas kag nakakuha sang gold medal sa prestiyoso nga World Jiu-Jitsu Championships sa Budokan, Nagoya, Japan.
Ini amo si Jose Martin Martinez, sang Baluarte, Molo, Iloilo City kag clinical instructor sa Iloilo Doctors’ College.
Suno kay Martinez, tuig 2014, nagpaidalom ini sang training sa Brazilian Jiujitsu, apang nag-untat ini matapos nagtrabaho bilang nurse sa ospital sa Metro Manila.
Sang nagpauli ini sa Iloilo sang 2021, nangin overweight na ini kag obese.
Bangud sa iya pagtinguha nga mangin fit, nag-training ini liwat sa combat sports.
Tuig 2022 ang pinakauna sini nga kompetisyon sa national kag sang 2023 naman ang iya pinakauna nga international Competition sa Nagoya, Japan sa diin nakakuha ini sang silver medal sa Open Weight division.
Apang subong nga tuig, sa iya 2024 World championships, ginapabugal naman sini nga nagdaog siya sang gold medal.
