ILOILO CITY- Nasapwan nga wala na sang kabuhi ang isa ka iloy kag ang anak sini sa sulod sang ila balay sa Sitio Lakatan,Barangay Camburoy,Samboan, Cebu.
Ang mga biktima amo sanday Jeekris Binag, 31 kag 5-anyos nga anak sini nga si Axel.
Suno sa otoridad, sang naabtan, nagabukal- bukal pa ang baba sang mga ini kag ginpahayag nga nag-inom sang pesticide ang duha.
Posible nga ginpainom sang pesticide sang iloy ang iya bata antes man ini nag- inom sang kemikal.
Ginapatihan nga personal nga problema ang rason sang pagpanginmatay sang iloy kag gin-umid ang iya anak.
May yara man sang nakit-an nga suicide note kun sa diin nagapangayo sang pasaylo ang iloy.
Kumbinsido naman ang pamilya nga wala sang foul play sa natabo.
