Nakabalik na sa normal ang sektor sang edukasyon sa Qatar kasunod sang pag-resume na sang in-person classes.
Ini matapos ang pila ka semana nga distance learning bangud sa giyera sa Middle East.
Suno kay Bombo Joseph Rivera, international correspondent sa Qatar, masobra sa 400,000 ka mga estudyante ang nagbalik sa una nga adlaw sang pag-resume sang face-to-face nga klase.
Pahayag ni Rivera, ang resumption sang on-campus education ang resulta sang komprehensibo nga preparasyon sang Ministry of Education kag Higher Education (MoEHE), nga nagpatuman sang importante nga logistical, technical, kag safety measures agud masiguro ang stable learning environment sa mga estudyante.
Apang suno kay Rivera, gin-require naman ang mga estudyante nga magdala sang go-bag ukon emergency bag pakadto sa sa eskwelahan magluwas pa sa ila mga school bags.
Samtang, magluwas sa pagbalik sang face-to-face classes, gintugutan man ang pagbalik sa normal nila nga operasyon ang fishing industry apang limitado gid lamang ini sa pagpangisda kag indi para sa kalingawan.
