ILOILO – Naghina ang hulihan sang isda sa quinto distrito kadungan sang pag implementa sang regulasyon nga ginpagwa sang Bureau of Fisheries and Aquatic Resources nga pagpasarado sang Visayan sea nga nagadumili sa paghuli sang tatlo ka sahi sang isda nga amo ang; sardinas, mackerel kag guma-a.
Sa interview sang Bombo Radyo kay Iloilo Governor Arthur Defensor Jr., iya ginpahayag nga sa iya mismo personal nga pag obserba sang nagpadulong siya sa banw sang Concepcion hugot nga ginapatuman ang nasambit nga regulasyon kag wala na sang may nadakpan nga nagapasulod sang mga nasambit nga sahi sang isda.
Suno kay Defensor, gina tan-aw niya nga rason kun ngaa naghina ang isda sa quinto distrito amo bangud indi sa gihapon malikawan nga makadakop sang mga nasambit nga sahi sang isda nga masami nagakadala lang sa lambat kag indi makapagusto ang mga manugpangisda.
Nahibaluan nga una na nga ginpahayag ni Remia Aparri, Regional Director sang BFAR Region 6 nga iimplementa man ang market ban sa mga nasambit nga sahi sang isda.
