In-activate sang Iran ang air defense sini sa Tehran sa mga una nga oras subong nga adlaw sang Lunes, June 23, suno sa local media.
Ini ang sa tunga sang ginalauman nga retaliatory attack nga ginlunsar nga missile attack sa Isarel sini nga aga nga natapna naman sang air defense sang Isarel, suno sa opisya sa Tel Aviv.
Gin-report naman sang state-affiliated media nga na-intercept sang air defense system sang Iran ang “hostile targets” sa kabisera sang Tehran.
Ginkumpirma man sang Israeli Defense Forces (IDF) nga naglunsar ang Iran sang panibag-o nga missile strikes sa Israel.
Nangin rason ini sang pagtunog sang mga sirens sa ila mga lugar sa pungsod.
Kabahin sini, ginmanduan sang Israeli military ang publiko nga magsulod sa bomb shelter ukon mamad kag ginasiguro sini nga nagagana ang ila nga defense systems.
