Isa ka barangay sa banwa sang Janiuay, narekord nga may yara sang kaso sang rice black bug infestation

ILOILO CITY – Isa ang Barangay Balanac sa banwa sang Janiuay nga nagdugang sa mga lugar sa Probinsya sang Iloilo nga apektado sang rice black bug infestation.

Sa interview sang Bombo Radyo kay Edilberto Grade, Irrigation Association President sa Barangay Balanac, Janiuay, Iloilo, iya ginpahayag nga isa ka ektarya sang humayan ang gin-atake sang peste.

Suno kay Grade, yara na sa seeding stage ang humayan sang natalupangdan nga gin-atake sang rice black bugs.

Ginpahayag dugang sang natungdan nga nakig-angot ini sa Department of Agriculture agud masolusyunan ang problema kun sa diin ginhatagan ini sang spray nga libre nga ginhatag sang opisina.

Diri na ka nagkalamatay ang peste kag gin-revive ang humayan.

Nahibaluan nga nalakip man ang banwa sang Concepcion, Pototan, Cabatuan, kag Ajuy nga may kaso sang pag-atake sang rice balck bugs.