Nagsugtanay na ang Israel kag Hezbollah para sa isa ka ceasefire sa Lebanon suno sa isa ka opisyal sang Estados Unidos.
Natabo ini matapos ang naglala nga mga inaway sa Lebanon kun sa diin madamo nga mga tawo ang nabutang sa peligro ang ila nga kabuhi.
Ginkanselar naman ang nakatalana nga pag-istoryahanay sang United States kag Iran sa Switzerland bangud sang panibag-o nga pagtaas sang tensyon sa Lebanon.
Nahibaluan nga bangud sa amo nga pagpang-atake sa Lebanon, masobra na 18 ka tawo ang napatay samtang apat ka suldado sang Israel ang napatay sang Hezbollah.
Ginapatihan nga mahimo ini makaapekto sa mas dako nga negosasyon bangud ang pagtapos sang inaway sa Lebanon isa sa mga kinahanglanon agud mas mapamaayo pa ang kasugtanan sa tunga sang U.S. kag Iran.
