MANILA – Liwat nga nabuhi ang isyu tuhoy sa pagpakasal sang real life couple nga sanday Kathryn Bernado kag Daniel Padilla.
Ini ang kasunod sang cryptic post sa Instagram sang iloy nanday Kathryn kag Daniel.
Nagpost si Min Bernardo sang wedding gown kag may caption nga “K-ring emoji-N” nga initials sang love team sang duha.
Nag-post man sang laragway ang iloy ni Daniel nga si Karla Estrada kun sa diin makita ang elegante nga envelope kag may kasubong man nga caption.
Ang nasambit nga mga post ang nag-angkon sang nanari-sari nga reaksyon gikan sa netizens ilabi na sa fans kag sa mga abyan sang magkahagugma.
Apisar sini, may iban naman nga nagapati nga teaser lamang ini sang upcoming project nanday Kathryn kag Daniel nga siyam na ka tuig nga magkarelasyon.
