Ginsorpresa sang modern Pinoy pop-alt rock heroes nga IV of Spades ang ila fans paagi sa pagpaguwa sang bag-o nga ambahanon matapos ang lima ka tuig nga pagpahuway.
Magluwas sa new song, tuman ang kalipay sang mga taga-suporta nga apat gid sa original members sang banda ang yara sa kanta nga amo sanday Unique Salonga, Zild Benitez, Blaster Silonga, kag Badjao de Castro.
May yara man sang music video nga gin-release kadungan sini.
Matandaan nga sang Agusto 2020 sang gin-anunsyo ang indefinite hiatus sang banda kun sa diin ginsiling sang mga myembro nga padayunon nila ang ila iban nga personal interests apang kinahanglan anay magpahuway bilang grupo.
Natabo ang hiatus duha ka tuig matapos nagbiya sa band ang lead vocalist nga si Unique para sa solo career.
Antes ang pagpahuway sang banda, may yara sila sang CLAPCLAPCLAP! album sang 2019 kun sa diin isa sa nangin pinaka-popular amo ang “Come Inside of My Heart”.
Natukod ang IV of Spades sang 2014 kag kilala sa hits nga “Mundo”, Dulo ng Hangganan, Captivated, I Ain’t Perfect kag iban pa.
